هوت كوتور | تفاصيل

12:15 م

التفاصيل والكوتور .. هي الأشياء الي أحبها
الخياطة الراقية .. المشغولة بدقة تامة وحرفية عالية وتفاصيل حياكتها .. هو الموضوع الي راح أتكلم عنه

" جولة حول مشاغل الخياطة الراقية ، وخياطيها , و أسرار صنع الأزياء الراقية "

أهلاً بشهر يوليو ..
وبما أن أسبوع الموضة للهوت كوتور خريف وشتاء 2014 راح يبدا بتاريخ 6 يوليو حبيت أكتب عن الهوت كوتور.

هوت كوتور ربيع وصيف 2015 يبدا من تاريخ 25 الى 29 يناير

هنا رابط لجدول أسبوع الموضة للهوت كوتور

الهوت كوتور تعني الخياطة الراقية أو الأزياء الراقية الي تخيط باليد .

ولد مفهوم الهوت كوتور في باريس في قرن 19 على يد خياط إنقليزي وهو (تشارلز فريدريك وورث) . مصمم بريطاني الأصول لكنه طغى بموهبته وقدرته على الابتكار الاناقة الباريسية .
قدم تصاميم راقية جذبت الملكات والشخصيات الاجتماعية المهمة , ولا تزال إبداعاته حتى الآن في المعارض والمتاحف العالمية .

بالأساس الكوتور كان موجه للطبقات الأرستقراطية وسيدات البلاط الفرنسي الي كانوا يطلبون فساتين تميزهم عن باقي السيدات بغض النظر عن السعر والجهد المبذول فيه .
وعادة ما تكون مصنوعة من القماش عالي الجودة و الخامات المكلفة ومخيط باهتمام بالغ بالتفاصيل وعلى أيدي الخياطين الأكثر خبرة وقدرة.

فيدرالية الموضة الفرنسية هي المنظمة المسؤولة عن أسابيع الموضة الباريسية عموماً والهوت كوتور خصوصاً دورها كشرطة للموضة ما بتسمح لأي أحد يحصل على لقب " كوتيغييه " أو خياط بمستوى رفيع من دون ما يستوفي كل الشروط الي من أهمها :
-يكون عنده خبره طويلة للمصمم بالتفصيل على المقاس .
-يكون عنده "أتوليه" معمل أو ورشة عمل بباريس توظف مالا يقل عن 20 حرفي بها لمجال .
-لازم يقدم تشكيلتين كل سنة الأولى لموسمي الربيع والصيف والثانية لموسمي الخريف والشتاء .

ايش السبب الي يخلي فساتين الهوت كوتور غالية الثمن ؟ لأنها مشغولة بحرفية عالية وكل قطعة بتتطلب 700 ساعة تقريباً .
وبيشتغل على القطعة حوالي 30 شخص بنفس الوقت مهمتهم يكملوا كل التفاصيل المطلوبة بالموعد المحدد .

أغلب بيوت الأزياء بتتعامل مع ما يعرف بالأنامل الناعمة وهي خياطات محترفات بكل الجوانب .. موزعين بين الخياطة والتطريز والترصيع وما شابه من تفاصيل ..

أهم المواصفات الي يمتيزوا فيها هي : الصبر والعين الثاقبة واليد الثابتة .. عدا عن ولائهم الشديد للدار الي يشتغلوا معه .
أغلبهم يبدأون العمل بسن الصبا ويبقوا مع الدار نفسه الى سن التقاعد .

وحدة من شروط الهوت الكوتور كل الأزياء لازم تكون من تصميم وإشراف المصمم بنفسه وكل قطعة لازم تكون بعدد محدود ومنفذه بالإيد مع إمكانية تفصيلها على مقاس الزبونة .